У Літве дапусцілі магчымасць аднаўлення транзіту беларускага калію праз Клайпедскі порт, але прапанавалі ўвязаць гэта з дадатковай прысутнасцю вайсковых сіл ЗША ў краіне.
Галоўны дарадца прэзідэнта Літвы па нацыянальнай бяспецы Дэйвідас Матулёніс заявіў, што пакуль перамоваў з амерыканскім бокам не было, аднак у выпадку вяртання да тэмы транзіту Літва павінна дзейнічаць з улікам сваіх прагматычных інтарэсаў. Ён падкрэсліў, што нацыянальны інтарэс — гэта спалучэнне каштоўнасцяў і прагматызму.
Нагадаем, ЗША 13 снежня абвясцілі аб зняцці санкцый з беларускага калію. ЕЗ вясной мусіць вырашыць, ці працягваць уласныя абмежаванні.
Беларускае Радыё Рацыя
