На паўночным захадзе Польшчы адкрылі новае радовішча нафты і прыроднага газу.
Кампанія-аператар Central European Petroleum (CEP) назвала яго найбуйным у краіне і адным з найбуйных у Еўропе за апошняе дзесяцігоддзе, паведамляюць польскія СМІ.
Фота: bezpiecznapodroz.org
Свідравіна Wolin East 1 (WE1), прасвідраваная ў Балтыйскім моры за 6 км ад горада Свінауйсьце, пацвердзіла наяўнасць 22 млн тон сырой нафты і 5 млрд кубаметраў прыроднага газу прамысловага прызначэння.
Паводле папярэдніх ацэнак, прадстаўленых Цэнтрам энергетычнай палітыкі, агульныя запасы радовішча могуць дасягаць больш за 33 млн. тон нафты і 27 млрд. кубаметраў газу.
“Гэта гістарычны момант для польскай энергетыкі. Wolin East – гэта больш, чым проста перспектыўнае радовішча, гэта сумесная магчымасць раскрыць увесь геалагічны і энергетычны патэнцыял Балтыйскага мора”, – заявіў прэзідэнт CEP Рольф Г. Скаар.
Па словах галоўнага геолага Польшчы Кшыштафа Галоша, гэтае адкрыццё можа істотна ўмацаваць энергетычную бяспеку краіны і скараціць яе залежнасць ад знешніх пастаўшчыкоў энергарэсурсаў.
Перш чым прыступіць да прамысловай здабычы, неабходна будзе завяршыць падрыхтоўку геалагічнай дакументацыі і атрымаць адпаведныя дазволы.
