У Польшчы ў бліжэйшыя дні цэны на паліва могуць знізіцца. Гэта прагназуюць аналітыкі брокерскага дома Refleks у Лодзі.
На мінулым тыдні бензін і дызельнае паліва патаннелі ў сярэднім на пяць грошаў за літр, аўтагаз — на адзін грош. Аўтар дакладу Уршуля Цесляк паведаміла, што маштабы зніжэння былі рознымі: „На частцы заправак цэны не мяняліся, на частцы падалі больш, чым на пяць грошаў. Меншыя змены закранулі рынак аўтагазу.
Падобныя змены будуць адбывацца і ў наступным тыдні. То бок у выпадку бензіну і дызпаліва цана будзе падаць, у выпадку аўтагазу карэкціроўка будзе нязначнай”.
Экспертка патлумачыла, што сітуацыя на польскім аптовым рынку паліва адлюстроўвае тое, што адбываецца на сусветным рынку нафты.
Беларускае Радыё Рацыя
