Працэнтныя стаўкі ў Польшчы застануцца без змен. Адпаведнае рашэнне прыняў Савет па грашова-крэдытнай палітыцы Нацыянальнага банка Польшчы.
Гэта азначае, што працэнтныя стаўкі па крэдытах і дэпазітах у злотых застануцца на бягучым узроўні.
Галоўны эканаміст PKO Bank Polski Пётр Буяк адзначыў, што зніжэнне працэнтных ставак у Польшчы, верагодна, стане магчымым не раней за вясну наступнага года.
Эксперт таксама дадаў, што зыход прэзідэнцкіх выбараў у ЗША можа паслужыць аргументам супраць хуткага зніжэння ставак.
«Калі Дональд Трамп рушыць услед сваім заявам аб агрэсіўнай пошліннай палітыцы, якая можа прывесці да росту інфляцыі ў ЗША і абцяжарыць еўрапейскую эканоміку, злоты можа апынуцца пад ціскам. Ужо толькі з-за гэтага Савет па грашова-крэдытнай палітыцы можа стаць больш асцярожным у пытанні змякчэння манетарнай палітыкі ў Польшчы», – сказаў эксперт.
Нагадаем, базавая працэнтная стаўка Нацыянальнага банка Польшчы складае 5,75%.
