У Польшчы расце попыт на рабочыя прафесіі. Паводле дадзеных экспертаў партала Pracuj.pl, найбольш патрэбныя цяпер дальнабойшчыкі, зваршчыкі, электрыкі, механікі, мантажнікі і будаўнікі.
Заробкі ў гэтых галінах складаюць у сярэднім ад 6 да 11 тысяч злотых брутта ў месяц, а ў міжнародных перавозках — яшчэ больш. Наймальнікі не абмяжоўваюцца толькі высокімі стаўкамі. Каб прыцягнуць людзей, яны прапануюць бонусы, дадатковыя аплаты за звышурочную працу, фінансаванне курсаў і атрыманне сертыфікатаў, а таксама жыллё ці транспарт да працы. Асабліва актыўна такія прапановы робяць кампаніі ў будаўнічай, транспартнай і лагістычнай сферах.
Паводле экспертаў, дэфіцыт узнік з-за старэння кадраў, эміграцыі спецыялістаў у Заходнюю Еўропу і павелічэння патрабаванняў да кваліфікацыі.
