Пляцоўка для размяшчэння рэспубліканскага пункта пахавання радыеактыўных адходаў пакуль не вызначана, заявіў на брыфінгу міністр энергетыкі Беларусі Віктар Каранкевіч.
“Ідзе аналіз раёнаў і тэрыторый, дзе ён патэнцыйна мог бы размясціцца. Пры гэтым улічваюцца ўсе аспекты: экалагічныя, эканамічныя, сацыяльныя, арганізацыйныя, тэхнічныя”, – адзначыў ён.
Першую чаргу пункта пахавання плануецца ўвесці ў эксплуатацыю да 2030 года. Перад пачаткам будаўнічых работ улады абяцаюць арганізаваць грамадскія слуханні па праекце ў Беларусі, а таксама з сумежнымі дзяржавамі.
Беларускае Радыё Рацыя
