Урад Польшчы падтрымае бізнес каля мяжы з Беларуссю. Кампаніі з буфернай зоны, якія найбольш адчуваюць наступствы сітуацыі на польска-беларускай мяжы, змогуць скарыстацца спецыяльным інструментам фінансавай падтрымкі ў выглядзе льготных пазык.
Рэалізацыяй праграмы зоймецца Міністэрства фондаў і рэгіянальнай палітыкі ў супрацоўніцтве з Банкам нацыянальнай гаспадаркі. Бюджэт падтрымкі складае 30 млн злотых. Прыём заявак на атрыманне пазык плануюць распачаць яшчэ летам. Гэтай прапановай змогуць скарыстацца кампаніі, якія працуюць на тэрыторыі шасці вясковых гмін у Гайнаўскім павеце (Чарэмха, Кляшчэлі, Дубічы Царкоўныя, Гайнаўка, Белавежа і Нараўка), а таксама мытныя агенцтвы з усяго ваяводства.
Беларускае Радыё Рацыя
