У Менску адкрыўся новы офіс кампаніі Wildberries, распавялі ў кансалтынгавай кампаніі NAI Belarus, якая выступіла кансультантам па здзелцы.
Новы офіс разлічаны на больш чым 100 супрацоўнікаў. У ім будуць працаваць прадстаўнікі розных падраздзяленняў кампаніі: тыя, хто адказвае за IT-кірунак, у тым ліку распрацоўшчыкі, інжынеры, аналітыкі, а таксама спецыялісты па рэгіянальным развіцці, лагістыцы і бяспецы, прадстаўнікі блока прававога і фінансавага забеспячэння.
Wildberries працуе ў Беларусі з 2012 года. У краіне адкрыта пяць лагістычных цэнтраў кампаніі: у Менску, Менскім раёне, Гародні, Гомелі і Берасці.
