Моцны вецер пашкодзіў лініі электраперадач, у выніку чаго было парушана энергазабеспячэнне 152 населеных пунктаў у Менскай вобласці.
«Менская вобласць стала адным з найбольш пацярпелых рэгіёнаў. Сталічныя энергетыкі перайшлі ў рэжым павышанай гатоўнасці, каб аператыўна ліквідаваць парушэнні, якія ўзнікаюць. Па стане на 20:00 аварыйна-аднаўленчыя брыгады працуюць над аднаўленнем электразабеспячэння ў 152 населеных пунктах рэгіёну», – паведамляе Менскэнерга.
Удакладняецца таксама, што праблемы з электразабеспячэннем адзначаліся таксама ў Кастрычніцкім, Першамайскім і Савецкім раёнах Менска.
А ўвогуле за мінулыя суткі электразабеспячэнне парушалася ў 900 населеных пунктах краіны. Адключэнні зафіксаваныя пераважна ў Менскай, Гарадзенскай і Віцебскай абласцях. Больш за ўсё ад моцнага ветру пацярпелі Менскі, Іўеўскі, Валожынскі, Лагойскі, Дзяржынскі, Карэліцкі, Смаргонскі, Ашмянскі раёны, паведамляе Мінскэнерга.
