17-гадовы блогер з Гомеля Анатоль rubakha_go — папулярны беларускі блогер, які дапамагае людзям у складаных жыццёвых абставінах. Цяпер ён выйграў у конкурсе расейскага блогера аўтамабіль BMW M4 і вырашыў дапамагчы гераіні свайго блога Вікторыі.
Раней расейскі блогер Міхаіл Літвін правёў конкурс, дзе падпісчыкі яго тэлеграм-канала выбіралі самае крэатыўнае відэа з энергетычным напоем.
Пераможцам стаў Анатоль rubakha_go, які здымаў конкурсны ролік з бяздомнай жанчынай Вікторыяй. Гледачы, відавочна, перажывалі за іх і зрабілі ўсё, каб аўто дастаўся менавіта ім.
Пасля перамогі Анатоль паведаміў, што прадасць машыну, каб купіць сваёй партнёрцы па здымках кватэру.
Гомельскі хлопец атрымаў папулярнасць у тыктоку, дзякуючы сваёй дабрыні, бяскрыўднасці, ветлівасці і праз дапамогу людзям у складанай сітуацыі. У яго — больш за 500 тысяч падпісчыкаў.
Беларускае Радыё Рацыя
