Беларускі тэлеаператар, журналіст Дзмітрый Завадскі бясследна знік па дарозе ў менскі аэрапорт. На той момант яму было 27 гадоў.
З 1994 па 1997 год Завадскі працаваў у аператарскім пуле Аляксандра Лукашэнкі, пасля перайшоў на Грамадскае расейскае тэлебачанне. Вясной 1997 года разам з карэспандэнтам ГРТ Паўлам Шараметам ён быў арыштаваны і абвінавачаны ў незаконным перасячэнні беларуска-літоўскай мяжы. Пэўны час Завадскі працаваў у Чачні, дзе з Шараметам здымаў фільм “Чачэнскі дзённік“.
У 2002 годзе Менскі абласны суд прызнаў вінаватай у выкраданні Завадскага групу былога байца спецпадраздзялення МУС “Алмаз“ Валерыя Ігнатовіча. Прысуды былі агучаны ў закрытым парадку. Ніхто з абвінавачаных сваёй віны не прызнаў, грамадскасць не атрымала ніякіх доказаў датычнасці абвінавачаных да выкрадання.
Беларускае Радыё Рацыя
Фота: wikipedia.org
