У Беларусі ўжо асудзілі 34 чалавекі за дыверсіі на чыгунцы, спрабуючы перашкодзіць перамяшчэнню расейскай вайсковай тэхнікі. Большасць прысудаў вынеслі пасля пачатку вайны ва Украіне.
Сярод асуджаных — так званыя “рэйкавыя партызаны”, якія дзейнічалі з мэтай сарваць ваенныя перавозкі. Некаторыя з асуджаных атрымалі суровыя тэрміны – ад двух да 25 гадоў пазбаўлення волі. Чацвёра абвінавачаных асуджаныя завочна, у тым ліку грамадзянін Украіны Мікалай Швец, якога ў мінулым годзе абмянялі на палонных.
Асобна вылучаецца справа грамадзяніна Германіі Рыка Крыгера, якога летам 2024 года прысудзілі да смяротнага пакарання за шэсць злачынстваў, у тым ліку за “акт тэрарызму”. Яго абвінавацілі ў дыверсіі на станцыі “Азерышча” ў інтарэсах Службы бяспекі Украіны. Пазней Лукашэнка памілаваў Крыгера, і ў жніўні ён вярнуўся ў Германію ў межах міжнароднага абмену палоннымі.
Беларускае Радыё Рацыя
