800 дзён — столькі за кратамі ўжо правёў палітвязень з Берасцейшчыны Зміцер Шувалаў. Хлопец быў абвінавачаны ў арт. 361-4 Крымінальнага кодэкса — cадзейнічанне экстрэмісцкай дзейнасці.
Палітвязня Змітра Шувалава абвінавацілі ў садзейнічанні экстрэмісцкай дзейнасці за тое, што ён дасылаў у тэлеграм-чат рэдакцыі “Nexta”, які быў прызнаны “экстрэмісцкім фарміраваннем” у кастрычніку 2021 года фота і відэа вайсковай тэхнікі з каментарамі.
Яшчэ ў 2022 годзе хлопец дададзены ў спіс “асобаў, датычных да экстрэмісцкай дзейнасці”.
Прысуд — 2 гады і 6 месяцаў калоніі агульнага рэжыму. Суддзя — Зміцер Куроўскі. Палітвязень павінен выйсці на волю літаральна праз некалькі месяцаў у сувязі з цалкам адбытым пакараннем.
На дадзены момант знаходзіцца ў папраўчай калоніі №22.
Аліса Поль, Беларускае Радыё Рацыя
