Беларускаму мастаку-акцыяністу Аляксею Кузьмічу, які спрабаваў раскапаць магілу Ван Гога, стала дрэнна. На дзясяты дзень галадоўкі ровень цукру ў ягонай крыві апусціўся да крытычна нізкай адзнакі. Пра гэта напісалі ў фэйсбуку сябры мастака.
Цытата: «Лекар дэпартацыйнага цэнтра выклікаў хуткую… У бальніцы хуткай дапамогі яму паставілі кропельніцу, не спытаўшыся, і ўвялі глюкозу. Праз паўгадзіны вымералі ровень цукру. Задаволіўшыся паказчыкам, напісалі, што ён здаровы. І адправілі назад. Па прыбыцці ў дэпартацыйны цэнтр яму ўручылі паперу, што прашэнне ягонага адваката аб вызваленні адхіленае. Галадоўка працягваецца».
