Адным з прыярытэтных пытанняў на канферэнцыі «Новая Беларусь» было пытанне палітвязняў. Гэта дапамога вызваленым палітвязням і іх сем´ям і пытанне надання статусу палітзняволенага, кажа прысутны на канферэнцыі прадстаўнік асацыяцыі палітвязняў «Да волі», дэпутат ад фракцыі Латушкі «Рух за свабоду», Алег Кулеша:
— Вясна працуе па заяўным прынцыпе. Камісія пры ААН працуе па заяўным прынцыпе. Заяўны прынцып — гэта прынцып, калі людзі звяртаюцца. Калі людзі не звяртаюцца, яны не трапляюць у падлічэнне і так далей. Але паводле асноўных прынцыпаў ААН, любы чалавек, што зазнаў пераслед па палітычных матывах, мае правы быць прызнаным палітвязнем.
Паводле сказанага беларускімі карнікамі, на пачатак 2023 года было 12 000, а на пачатак 2024 года было 23 000 палітычна матываваных крымінальных спраў. Чаму ў праваабаронцаў палітзняволеных менш чым паўтары тысячы? Алег Кулеша спадзяецца, што праваабарончыя арганізацыі прыслухаюцца да выказаных на канферэнцыі прэтэнзій і прапаноў.
Беларускае Радыё Рацыя
