Былы палітзняволены праваабаронца, Нобелеўскі лаўрэат Алесь Бяляцкі павіншаваў усіх жанчын са святам 8 сакавіка. Пра гэта ён напісаў на сваёй старонцы ў Фэйсбуку.
“Пераважна жанчыны бяруць на сябе клопат пра палітычных вязняў, дасылаючы пасылкі, возячы і цягаючы на сабе перадачы, ездзячы на далекія спатканні. Многія з іх за сваё спачуванне трапляюць самі пад рэпрэсіі. Такое адчуванне, што свет гэты зламаўся б без жанчынаў. Таму мае шчырыя вам віншаванні”, – напісаў Алесь Бяляцкі.
Нагадаем, што, паводле інфармацыі Праваабарончага цэнтру «Вясна», у Беларусі 164 жанчыны знаходзяцца за кратамі па палітычных матывах.
