У адносінах да незалежнага журналіста Алеся Ляўчука ў Беларусі заведзена крымінальная справа за «абразу Лукашэнкі». Сам Ляўчук знаходзіцца ў бяспецы і жыве ў польскім Беластоку.
Вось што думае пра гэту справу Алесь Ляўчук:
-Ведаю няшмат. Я ведаю толькі тое, што яна дакладана заведзена. Тое што яе вядзе Жабінкоўскі следчы камітэт і што гэта як бы за абразу Лукашэнкі за допіс у Фэйсбуку.
РР: Якія яшчэ справы былі ў адносінах да вас?
-Вельмі часта судзілі па 22.9. Потым яны памянялі гэты артыкул. І мяне па ім паспелі пасадзіць у Беларусі, калі я ўжо з’ехаў.
Па словах Алеся, калі ён прачытаў пра тое, што на яго заведзена справа, у яго ўзніклі пытанні да следчых:
-Каб абараняць людзей ад нейкіх злачынцаў, сілавікі, якія фактычна сёння самі з’яўляюцца злачынцамі, за народныя грошы сядзяць цэлы дзень на працы, калупаюцца ў інтэрнэце, шукаючы нейкія матэрыялы. Аказалася, што гэтую справу на мяне завялі, калі ў Жабінцы чамусьці сілавікі маніторылі інтэрнэт. Яны знайшлі мой допіс, ён быў прысвечаны выступу Васкрасенскага на “Зеркале”.
Журналіст таксама выклаў ў сябе ў сацыяльных сетках каментар на крымінальную справу: «Сілавікі пабачылі абразу іх правадыра ў маім пасце на ФБ, дзе была мая рэакцыя на словы аднаго прадстаўніка рэжыму. Дзе ў ім яны знайшлі абразу, мне сказаць складана».
Беларускае Радыё Рацыя
