Гарадзенскае выданне Hrodna.life просіць чытачоў падтрымаць далейшую працу незалежнага СМІ.
Рэдактар Аляксей Шота лічыць, што чытачы дапамогуць выданню існаваць далей:
-Мы заўсёды стараліся быць такім медыя, якое заснавана на пэўнай супольнасці. У Гародні гэта канешне было значна прасцей, калі можна было з намі працаваць ўсім беларусам легальна і тады ў розныя перыяды нам дапамагалі чытачы. Мы заўсёды стараліся, хацелі і імкнуліся пабудаваць такое медыя, якое было б незалежным ад рэкламадаўцаў і спонсараў, якое б самі чытачы ўтрымлівалі. Гэта вельмі складана.
Аляксей Шота лічыць, што выданне можа разлічваць на падтрымку дыяспары, бо беларусы на Радзіме за такую падтрымку могуць апынуцца за кратамі:
-Мы за мяжой, адрэзаныя ад сваіх чытачоў, яны не могуць нам дапамагчы. Таму мы вымушаны звяртацца да дыяспары, да людзей, якія ў бяспецы, каб яны дапамаглі выжыць медыя, якое працуе для тых, хто ўнутры краіны. У нас амаль увесь кантэнт накіраваны на Гародню і Гарадзеншчыну.
Выданне на сваёй старонцы змясціла розныя варыянты дапамогі і цяпер кожны жадаючы па спасылцы – https://hrodna.life/support/ знойдзе магчымасць падтрымаць гэтае выданне.
Беларускае Радыё Рацыя
