Дэпутаты Палаты прадстаўнікоў Беларусі прынялі праект закону аб амністыі «да Дня Перамогі», паведаміла іх прэс-служба. Законапраект рэпрэзентаваны кіраўніцтвам сілавых ведамстваў. Наступны этап – подпіс Аляксандра Лукашэнкі.
Паводле папярэдніх падлікаў, амністыя «да Дня Перамогі» закране 7630 асуджаных. Сярод іх толькі тыя, хто цалкам кампенсаваў шкоду, прычыненую злачынствам, і мае станоўчую характарыстыку ад начальства калоніі.
Як і папярэднія тры амністыі ад 2020 года новая амністыя не распаўсюджвацца на палітычных зняволеных.
Са словаў праваахоўнікаў, асуджаныя паводле палітычных артыкулаў амаль заўсёды маюць дрэнную характарыстыку ад начальства калоніяў і лічацца парушальнікамі рэжыму, таму пад амністыю не трапляюць.
