Каманда эвакуацыі BYSOL працягвае дзейнічаць у Беларусі не першы год. Яна дапамагае беларусам, якія падвергліся пераследу па палітычных матывах, пакінуць межы краіны.
Заснавальнік Фонду салідарнасьці BYSOL Андрэй Стрыжак мяркуе, што заслугі «эвакуатараў» будуць ацэненыя ў будучыні.
– Для гэтых людзей вельмі важна, што грамадства разумее сэнс і сутнасць гэтай справы. Таму што яна вельмі складаная. Вельмі няпроста эмацыйна і фізічна, гэта велізарныя нагрузкі на людзей, якія займаюцца эвакуацыяй. Я не ведаю, як будзе ў новай Беларусі, але спадзяюся, што гэтыя людзі будуць ацэненыя па іх заслугах, бо сённяшняя ўлада хутчэй за ўсё іх ацаніла б па нейкіх крымінальных артыкулах.
Калі вам ці вашым блізкім патрэбная эвакуацыя з Беларусі, можна скласці адпаведную заяўку праз сайт bysol.org.
Беларускае Радыё Рацыя
