Гэты выпуск — пра дату, якая здаўна блытае розум і памяць. Пра 23 лютага — дзень, які ў савецкім міфе абвяшчаецца днём перамогі Чырвонай арміі, але ў рэальнасці стаў катастрофай і для арміі, і для Беларусі.
Пра калапс фронту, хаос на беларускіх землях і вакуум улады ў Менску. Пра тое, як праз стагоддзе гэтыя даты зноў становяцца сімвалам чужой вайны і агрэсіі.
Гэта не лекцыя і не гістарычная даведка. Гэта аповед пра асабісты погляд, пра тое, як міфы могуць жыць даўжэй за імперыі, і як праз музыку і асабісты наратыў можна зразумець, што стаіць за датамі.
У праграме — фрагменты сучаснай беларускай рок і этна-музыкі, якія перарываюць аповед і ствараюць масты паміж мінулым і сённяшнім.
А напрыканцы — голас гісторыі праз песні і балканскія маршы, якія нагадваюць, што вайна і катастрофы — не толькі старыя гісторыі, але і частка сучаснага свету.
Выпуск «Хіба толькі Рэха» — пра памяць, міфы і асабісты погляд на тое, што адбываецца ў нас і навокал.
Перадачу слухаўце сёння, 28 лютага, у 14.05 польскага часу, у Беларусі на дзве гадзіны пазней.
Беларускае Радыё Рацыя
