Былы палітвязень Міхаіл Лістападаў адседзеў увесь тэрмін зняволення па палітычным абвінавачванні. Яго затрымалі пры спробе нелегальна перайсці беларуска-ўкраінскую мяжу ў красавіку 2022 года з мэтай змагання на баку Украіны і за ўдзел у акцыях пратэсту ў 2020 годзе. За кратамі ён адбыў тры гады.
Каб на яго менш магла ціснуць адміністрацыя калоніі №15 у Магілёве, ён нават адмовіўся ад тэлефанаванняў дадому, спатканняў і ад так званай “атаваркі”.
Міхаіл Лістападаў друкуе таксама ўрыўкі са сваёй кнігі пад назвай “Пакінь надзею кожны, хто сюды ўваходзіць” у сваім Фэйсбуку і тэлеграм-канале. Там можна больш падрабязна пазнаёміцца з ім і яго дзейнасцю.
А публіцыстычная перадачы “Мы бачым” цалкам прагучыць на хвалях нашага радыё сёння, а 16.10 па беларускім часе, па літоўскім – у 15.10, а па польскім – у 14.10.
Беларускае Радыё Рацыя
