Дарадца Святланы Ціханоўскай па прававых пытаннях Леанід Марозаў пракаментаваў сітуацыю з ануляваннем пашпартоў у былых беларускіх палітвязняў, якіх вывезлі за мяжу.
Паводле яго, такая практыка не мае прававых падстаў у беларускім заканадаўстве:
-Тут вельмі шмат пытанняў не толькі для юрыстаў, але і для палітыкаў, чаму яны так зрабілі. Мне цікава, калі рэжым пойдзе далей і пачне ануляваць пашпарты для беларусаў унутры краіны, каб яны не выязджалі. Мы ад Офіса пойдзем размаўляць са спецдакладчыкам, і з працоўнай групай, і з Вярхоўным камісарам, і з нашымі партнёрамі еўрапейска-амерыканскімі.
Марозаў падкрэсліў, што ў выніку людзі апынаюцца ў складаным становішчы, бо страта дакументаў стварае праблемы з легальным статусам за мяжой. Разам з тым, ужо вядзецца праца, каб ануляваныя пашпарты не сталі перашкодай для легалізацыі былых палітвязняў у іншых краінах.
Цалкам гутарка:
Беларускае Радыё Рацыя
