Апеляцыйную скаргу палітвязня Сяргея Яфімава разгледзяць 13 жніўня. Рашэнне будзе прымаць судовая калегія пад старшынствам суддзі Алега Лапекі. Пра гэта стала вядома ПЦ “Вясна.”
У судзе Барысаўскага раёна 16 траўня палітвязню вынеслі прысуд па новай крымінальнай справе. Суддзя Людміла Зінкевіч прызнала яго вінаватым у «злосным непадпарадкаванні патрабаванням адміністрацыі папраўчай установы» і прызначыла яму яшчэ год зняволення ў дадатак да 4 гадоў калоніі. Гэта ўжо другі суд над палітвязнем па такім артыкуле.
Па стане на 11 жніўня ў Беларусі прызнаныя палітычнымі вязнямі 1385 чалавек, рэальная колькасць нашмат большая.
Беларускае Радыё Рацыя
Фота: “Вясна”
