Міжнародны камітэт па расследаванні катаванняў у Беларусі апублікаваў расследаванне пра жорсткае абыходжанне і катаванні ў гомельскай жаночай калоніі №4.
Асноўныя вынікі агучыў галоўны расследавальнік і заснавальнік Камітэта Сяргей Усцінаў:
– Асноўныя высновы гэтага расследавання, што ва ўсёй пенітэнцыярнай сістэме беларускай, і ў прыватнасці ў папраўчай калоніі № 4, не выконваюцца правы чалавека, як мінімум мінімальныя стандарты стаўлення да зняволеных, якія павінны быць. З прыбыццём увогуле палітычных зняволеных у папраўчую калонію №4 пачалося больш жорсткае стаўленне да палітычных зняволеных. І ў прынцыпе гэта сказалася на ўсіх зняволеных.
Для стварэння дакумента супрацоўнікі Камітэта вывучылі 20 інтэрв’ю і 1818 старонак сведчанняў, склалі спіс з 16 супрацоўнікаў калоніі, уключаючы кіраўніцтва і работнікаў рэжымнага аддзела. Мэта расследавання — прыцягнуць вінаватых да адказнасці і аднавіць справядлівасць.
Цалкам матэрыял слухайце ў далучаным файле:
Тэкст расследавання:
Беларускае Радыё Рацыя
