З-за моцнай галаледзіцы на сёння ў Беларусі аб’яўлены аранжавы ровень небяспекі. Увогуле ў краіну вяртаюцца маразы, ў бліжэйшыя два-тры дні месцамі ў паўднёвых рэгіёнах чакаецца паніжэнне тэмпературы да мінус 15 градусаў. Ратавальнікі заклікалі засцерагчыся, каб не папоўніць ужо досыць вялікі спіс ахвяр халадовых траўм.
“Галоўнае трымаць у цяпле рукі, ногі і твар”, – раіць лекар:
— На вуліцы з’яўляюцца маразы, а у нас з’яўляюцца хворыя з абмаражэннем рознай ступені цяжкасці, ад другой да чацвёртай. Часцей за ўсё першая, другая, трэцяя ступені абмаражэння праз працяглае быццё на холадзе без адпаведнага адзення, без рукавіцаў, з дрэнным абуткам, цесным або тым, што не адпавядае сезону. Вядома, галоўнае не быць доўга, дзе нізкая тэмпература.
Паводле дадзеных Міністэрства аховы здароўя, з 21 лістапада ў краіне ахвярамі халадоў і галаледзіцы стала ўжо 14 705 чалавек.
Беларускае Радыё Рацыя
