На гэтым тыдні ў Варшаве ў Польскім Сенаце адкрылася выстава, прысвечаная беларускаму праваабаронцу і нобелеўскаму лаўрэату Алесю Бяляцкаму.
«Лічу, што гэта добрая падзея. Мы павінны зрабіць усё, каб дэмакратыя ў Беларусі перамагла», – перакананы польскі дыпламат Артур Міхальскі.
– Змаганне за свабоду – гэта не толькі лакальная з’ява, гэта справа беларусаў. Але мы ж суседзі. Мы вельмі добра знаем Алеся Бяляцкага, ён шмат разоў наведваў Польшчу, мы сябры. Зразумела, салідарнасць з беларусамі – гэта тое, што мы павінныя рабіць.
Нагадаем, на адкрыцці выставы прысутнічалі як беларускія, так і польскія палітыкі і грамадскія дзеячы.
Марына Савіцкая, Беларускае Радыё Рацыя
