Сёлета Асацыяцыі беларускіх ветэранаў ва Украіне спаўняецца тры гады.
Па словах старшыні Асацыяцыі Андрэя Кушнярова, зараз у арганізацыі налічваецца некалькі тысяч ветэранаў, якія ратацыйна вяртаюцца на фронт:
– За гэты час даволі шмат людзей прайшло праз украінскую армію. Яны раскіданыя па розных падраздзяленнях і Асацыяцыя існуе больш у месцы, куды можна прыйсці і даведацца канкрэтную інфармацыю, атрымаць дапамогу ў выглядзе нейкага пераезду, нейкай парады, даведацца, напрыклад, дзе можна пераначаваць у Варшаве. Сітуацыя ва Украіне пры гэтым асабліва не палепшылася ў плане дапамогі ад дзяржавы добраахвотнікам. Таму дапамога па-ранейшаму патрэбная.
Асацыяцыя займаецца кропкавай каардынацыяй дапамогі беларускім ветэранам, не мае знешняга фінансавання і гуртуецца на прынцыпах братэрства. Акрамя таго, арганізацыя сочыць за лёсам экс-добраахвотнікаў, якія апынуліся ў Беларусі, як, напрыклад, палітзняволены Васіль Верамейчык, экстрадаваны з В’етнама.
Беларускае Радыё Рацыя
