Аляксею Сіленка 35 гадоў. Ён мянчук. У 2012 годзе скончыў Беларускі нацыянальны тэхнічны ўніверсітэт, адвучыўся на архітэктара. Аляксей вядомы як барабаншчык. Ён выступаў у менскай “Пясочніцы”, на “Пешаходцы” і як музыка ўдзельнічаў у шматлікіх праектах (ОХ.РА, БУЛЬВАР, Mnsr. Gustav і іншых).
Пасля пачатку вайны, калі меркаваць па чатах у тэлеграме, на нейкі час з’язджаў у Грузію. Але, падобна, пасля вярнуўся ў Беларусь.
Суд над Аляксеем пачнецца 26 лістапада ў Менскім гарадскім судзе. Яго абвінавачваюць у «закліках да санкцыяў» (ч. 3 арт. 361 КК) і «распальванні варожасці» (ч. 1 арт. 130 КК). Сутнасць абвінавачанняў невядомая. Справу будзе разглядаць суддзя Анастасія Папко.
Крыніца “Вясна”
