На плошчы Еўропы ў грузінскім Батумі адбылася акцыя да другой гадавіны маштабнага тэракту. У гэты дзень, два гады таму, расейская авіацыя скінула авіяцыйную бомбу ў сэрца Марыупаля — на Драматычны тэатр, дзе ратаваліся ад абстрэлаў сотні сем’яў з дзецьмі.
Па словах арганізатараў акцыі ў Батумі, акцыя мусіць таксама нагадаць свету, што гераічныя абаронцы Марыупаля дагэтуль перабываюць у расейскіх канцлагерах.
У акцыі прымалі ўдзел больш за паўсотні актывістаў з розных краін. Можна было таксама пабачыць на вялікім экране ўспаміны відавочцаў падзей у Марыупалі. Хвілінай маўчання таксама ўзгадалі ўсіх загінулых падчас гэтай трагедыі.
Беларускае Радыё Рацыя, Батумі
