Беларускія ваяры, што ваююць за Украіну ў складзе «Беларускага добраахвотніцкага корпусу», атрымалі падарункі ад беларусаў і беларусак Батумі. Да ваяроў гэтым разам даехалі два дроны і паштоўкі ад беларускіх дзетак.
Пра падарункі для ваяроў распавядае арганізатарка збораў Святлана:
– Перадалі два дроны. Адзін нам перадаў беларус бясплатна. А на другі грошы мы сабралі і набылі. І вось два дроны паехалі да ваяроў. І каб зрабіць ім нешта прыемнае, нашыя дзеткі, якія ў Батумі, намалявалі хлопцам паштоўкі, і мы зрабілі абярэгі-анёлаў. Гэта ўсё пералі аўтобусам.
Па словах Святланы, арганізоўваць перадачы для ваяроў ва Украіну кожны раз становіцца складаней:
– Складанасці з тым, што людзі нават не з-за стаўлення, а проста стаміліся ад вайны. Ужо такой дапамогі няма. Вельмі цяжка было знайсці чалавека, які павязе дроны ва Украіну. Мы гатовыя былі ўсё аплаціць. І вось быў цэлы аўтобус людзей. А за некалькі тыдняў толькі адзін чалавек пагадзіўся нам дапамагчы.
Валанцёры з Батумі ужо абвясцілі сбор на новыя рэчы для ваяроў. Гэтым разам гэта будзе 100 вышыванак розных памераў, якія плануюць ужо ў сакавіку даслаць ва Украіну для ваяроў з «Беларускага добраахвотніцкага корпусу».
Цалкам матэрыял:
Беларускае Радыё Рацыя
