Пагадненне аб навукова-тэхнічнай супрацы падпісалі Беларускі дзяржаўны ўніверсітэт інфарматыкі і радыёэлектронікі і Наўгародскі дзяржаўны ўніверсітэт, паведаміла прэс-служба расейскай ВНУ.
«Наша задача — абмен кампетэнцыямі паміж універсітэтамі, у тым ліку для развіцця крэмніева-германіевых тэхналогій паўправаднікоў», – гаворыцца ў афіцыйным паведамленні. ВНУ маюць намер абменьвацца студэнтамі і арганізоўваць стажыроўкі аспірантаў радыётэхнічных спецыяльнасцей.
Праведзены “Позіркам” аналіз паведамленняў прэс-службы расейскага ўніверсітэта сведчыць, што гэтая ВНУ актыўна спрыяе вядзенню РФ вайны ва Украіне. Так, у лістападзе ўніверсітэт абвясціў, што яго навукоўцы распрацавалі “унікальны камуфляжны рыштунак”, прызначаны для “схаваных перамяшчэнняў людзей і тэхнікі, іх маскавання ад дронаў.
Беларускае Радыё Рацыя
