1 снежня адбудзецца анлайн-дыскусія даследчыкаў падзей 2020 года ў кантэксце сучасных даследаванняў „Беларусь 2020 і пасля: рэвізія падзей праз акадэмічную лінзу“.
У жніўні-кастрычніку 2020 года Беларусь перажыла найбуйнейшую ў гісторыі палітычную мабілізацыю: сотні тысяч людзей выйшлі на пратэсты супраць фальсіфікацыі выбараў і гвалту. Гэтыя падзеі прыцягнулі вялікую ўвагу беларускай і міжнароднай супольнасці, выклікаўшы хвалі даследаванняў у галінах сацыялогіі, гісторыі, антрапалогіі і ў іншых дысцыплінах.
Пытанні да абмеркавання: якімі пытаннямі задаюцца даследчыкі падзей 2020 года сёння? які эмпірычны матэрыял яны выкарыстоўваюць? што застаецца найбольш спрэчным у інтэрпрэтацыях „беларускай рэвалюцыі“ або не трапляе пад увагу акадэмікаў?
Мадэрацыя: Алена Агарэлышава, гендарная даследчыца, сацыялагіня
Эксперты: Петэр Вермерш, Універсітэт Лёвэна, Бельгія; Ганна Комар, Універсітэт Брайтана, Вялікабрытанія; Таццяна Шчытцова, Еўрапейскі гуманітарны ўніверсітэт, Літва
Уводзіны: Габрыэле Фрайтаг, Нямецкае таварыства па даследаванні Усходняй Еўропы
Дата: 1 снежня Час: 19:00 (час белрускі)
Арганізатары
