Улады М’янмы звярнуліся да Беларусі па дапамогу ў ліквідацыі наступстваў землятрусу. Пра гэта паведамляе прэс-служба Міністэрства па надзвычайных сітуацыях.
Адзначаецца, што рэспубліканскі атрад спецыяльнага прызначэння “ЗУБР” гэтым вечарам накіруецца з аэрадрома Мачулішчы ў гэтую краіну ў Паўднёва-Усходняй Азіі “для аказання дапамогі ў правядзенні аварыйных пошукава-выратавальных і іншых неадкладных работ”.
Як паведамлялася, 28 сакавіка ў М’янме адбыўся моцны землятрус, які прывёў да маштабных разбурэнняў і гібелі сама меней 1,6 тыс. чалавек.
