Артыкул, які прыдумалі ў 2022 годзе, сёння ўпершыню быў агучаны ў Менскім судзе. Абвінавачаны — 54-гадовы Андрэй Савіцкі. Паводле суддзі, беларус «адміністраваў у «Аднакласніках» адкрытую групу, дзе была публікацыя пра Другую сусветную вайну. У ёй аўтар нібыта «адмаўляў масавае знішчэнне мірных жыхароў вёскі Хатынь у выніку карнай аперацыі 22 сакавіка 1943 года».
Андрэя Савіцкага затрымалі яшчэ ў сакавіку і змясцілі пад варту. Яго таксама абвінавачваюць у «абразе» Лукашэнкі. Суд працягваецца ў адкрытым рэжыме.
