Частка беларусаў пасля арышта Андрэя Гнёта вырашыла шукаць прытулку і будаваць сваё жыццё ў іншых еўрапейскіх краінах. Беларускі рэжысёр пакуль знаходзіцца пад хатнім арыштам у сербскай дзяржаве.
Гаворыць актыўная прадстаўніца беларускай дыяспары Дар’я Трафімава:
-Шмат хто з’ехаў з Сербіі праз страх і праблемы з легалізацыяй. І мне здаецца, што наша супольнасць трошкі развалілася, напэўна. Уцэлым, вельмі шмат страху і няўпэўненасці.
Беларускі рэжысёр Андрэй Гнёт восенню мінулага года быў затрыманы ў Сербіі па запыце ўладаў Беларусі. Падставай стаў запыт Беларусі праз Інтэрпол. Справа была разгледжаная ў некалькіх сербскіх судах, аднак канчатковае рашэнне яшчэ не вынесенае.
Беларукае Радыё Рацыя.
