Кіраўніцтва ўкраінскага памежнага пераходу “Усцілуг” не пусціла ў Польшчу беларускага добраахвотніка Юрыя Кіселюка з пазыўным “Дызель”, паведамляе “Белсат”.
Юрый Кісялюк / фота прадастаўленае тэлеканалу “Белсат”
Юрый Кісялюк ваюе ад самага пачатку поўнамаштабнай вайны на баку Украіны. У Польшчу ён хацеў выехаць, каб звярнуцца па міжнародную абарону. Перад выездам ваяр падаў рапарт на звальненне з УСУ. Але ўкраінскія памежнікі не выпускаюць беларуса, бо ў яго пратэрмінаваны пашпарт. Звычайна ў такіх сітуацыях украінскі бок запытвае палякаў, ці прымуць яны асобу без дакументаў, якая хоча ўехаць у Польшчу і папрасіць там міжнародную абарону. Калі Польшча адмаўляе, украінцы не выпускаюць такога чалавека, полькі бок кажа, што не атрымліваў такога запыту.
Беларускае Радыё Рацыя
