Алегу Самародскаму 61 год. Мужчына ўсё жыццё займаўся бізнэсам — быў кіраўніком фірмы «Уладкас», якая займалася вырошчваннем гародніны, насення і рассады, таксама дырэктарам фірмы «Белбаскітлід», якая вырабляе драўляную тару і іншыя рэчы з дрэва ў Іўі Гродзенскай вобласці.
Суд над ім пачнецца 6 лютага ў Менскім гарадскім судзе, піша «Наша Ніва».
Вінавацяць бізнэсмена па трох артыкулах — «удзел у экстрэмісцкім фармаванні» (ч. 3 арт. 361-3), «заклікі да дзеянняў, якія наносяць шкоду Беларусі» (ч. 3 арт. 361 КК) і «распальванне варожасці» (ч. 1 арт. 130 КК). Абставіны справы невядомыя. Працэс прызначана весці суддзя Таццяна Фалькоўская.
вясна
