Беларускі праваабаронца Раман Кісляк з 19-га жніўня 2025 году апынуўся ў Грузіі ў своеасаблівым «юрыдычным ліфце без кнопак»: міжнародную абарону яму не далі, але выслаць таксама не могуць. У выніку ён застаўся ў краіне з афіцыйным статусам… «дэпартацыі».
Такім чынам, у Грузіі цяпер ёсць унікальны «беларускі статус»: не вольны, не вязень, не ўцекач, а… «дэпартацыя ў чаканні».
Пра свой статус кажа Раман Кісляк:
– 15 жніўня я атрымаў ноту з Камітэта па правах чалавека пра рэгістрацыю маёй скаргі і прыняцце часовых мер абароны. Грузію абязалі мяне не дэпартаваць у Рэспубліку Беларусь.
РР: Што будзе далей адбывацца з вамі?
– Працэс пабудаваны такім чынам, што пасля рэгістрацыі пачаўся працэс камунікацыі. Гэта азначае, што мы будзем абменьвацца дакументамі, каментарамі, аспрэчваннямі на пазіцыі адзін аднаго. Грузія будзе аспрэчваць маю скаргу, я буду аспрэчваць іх пярэчанні.
Па словах Рамана, ён здзіўлены сваім статусам у Грузіі, але не можа пакінуць яе межы:
– Я распытваў грузінскіх міграцыйных юрыстаў, якой у мяне цяпер будзе статус, таму што статус «просьбіт прытулку» завяршыўся пасля заканчэння апіляцыйнай вытворчасці, пасля агучвання рашэння. І яны мне патлумачылі мне, што ў мяне статус будзе «у дэпартацыі». То бок паспачнуць справу аб дэпартацыі, мяне могуць затрымліваць, могуць не затрымліваць. Калі затрымаюць, то прадставяць у суд. І суд вырашыць, ці можна мяне дэпартаваць.
Па словах Рамана Кісляка, у Грузіі больш за 60 беларусаў, якія чакаюць статуса міжнароднай абароны, і ніводзін з іх такога статуса за апошнія тры гады не атрымаў.
Цалкам матэрыял:
Беларускае Радыё Рацыя
Фота Рамана Кісляка.
