18 — такая колькасць гурткоў цяпер працуе ў межах Беларускай школкі ў Цэнтры беларускай супольнасці і культуры ў Вільні. Найбольш папулярныя — гэта вывучэнне літоўскай мовы і хор.
Распавяла менеджарка праекта Марына Абрамовіч:
– З гэтага года ў нас больш кірункаў, накіраваных на інтэграцыю нашых дзяцей, бо шмат хто жыве ў Літве ўжо дастаткова доўга — па тры гады, але дзеці ходзяць у рускамоўныя ці беларускамоўныя школы і маюць цяжкасці з літоўскай мовай. Таму ў нас з гэтага году вельмі актыўна працуе гурток літоўскай мовы для дзяцей.
Інфармацыя на тэму праектаў і ў цэлым бягучай дзейнасці Цэнтра беларускай супольнасці і культуры ў Вільні даступная, да прыкладу, праз профіль у Instagram — @belarusiancentre_lt.
Беларускае Радыё Рацыя
