Марш ва Уроцлаве
Ва Уроцлаве ў цэнтры горада 9 жніўня прайшоў Марш вольнай Беларусі. Ён быў прымеркаваны да пятай гадавіны падзей 2020 года.
Шэсце пачалося каля Narodowego Forum Muzyki і прайшло да Рынку, дзе распачалася акцыя. Там выступілі прадстаўнікі беларускіх ініцыятыў Уроцлава, а таксама вольны спартовец Іван Ганін. Як і штогод, да маршу і акцыі далучыліся таксама прадстаўнікі польскай і ўкраінскай супольнасцяў, каб выказаць падтрымку і салідарнасць.
Удзельнікі акцыі
Многія ўдзельнікі былі ў масках гномаў, зробленых разам на майстар-класе напярэдадні. “З аднаго боку, гэта крэатыўна, з другога – дазваляе больш паклапаціцца пра бяспеку ўдзельнікаў” – кажуць арганізатары з Суполкі беларусаў Уроцлава.
Уроцлаў, на акцыі
Арыгінальны плакат на акцыі
Напрыканцы для прысутных выступіць музыка і былы палітвязень Алесь Папковіч.
Беларускае Радыё Рацыя
