Крыху больш за 1500 дзён – столькі за кратамі знаходзіцца блогер, грамадскі актывіст з Берасцейшчыны Ігар Лосік.
Яму прысудзілі 15 гадоў зняволення па крымінальных палітычна матываваных справах:
– Палітвязню Ігару Лосіку прад’явілі абвінавачванні па ч. 1 арт. 293 Крымінальнага кодэкса — арганізацыя масавых беспарадкаў і арт. 130 Крымінальнага кодэкса — распальванне варожасці ці варажнечы.
Хлопец унесены ў спіс асобаў, “датычных да тэрарыстычнай дзейнасці”, а таксама ў “пералік асобаў, датычных да экстрэмісцкай дзейнасці”. Фігурант так званай “справы Ціханоўскага”.
За кратамі палітвязень аб’яўляў бестэрміновую галадоўку. Неаднаразова блогера змяшчалі ў ШІЗА. У Ігара Лосіка засталася непаўнагадовая дачка.
Зараз грамадскі дзяяч утрымліваецца ў папраўчай калоніі №1.
Аліса Поль, Беларускае Радыё Рацыя
Фота: “Вясна”
