Крыху больш за 300 дзён – столькі за кратамі ўжо знаходзіцца палітвязень з Берасцейчшыны Ілля Шамілаў. Асуджаны па аднаму з крымінальных палітычна матываваных артыкулаў.
Палітвязень Ілля Шамілаў быў асуджаны па арт. 367 Крымінальнага кодэкса — Паклёп у дачыненні да прэзідэнта Рэспублікі Беларусь. Да таго ж у адносінах да мужчыны разгледзелі два адміністрацыйныя пратаколы па арт. 19.11 КаАП або Распаўсюджванне, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці альбо якая прапагандуе такую дзейнасць.
Прысуд – два гады пазбаўлення волі ў калоніі ва ўмовах агульнага рэжыму. Суддзя – Сяргей Маручак. Пакаранне адбывае ў СІЗА №7 Берасця з лютага бягучага года. Прыкладна палову тэрміну палітвязень ужо правёў за кратамі.
Беларускае Радыё Рацыя
