Упраўленне па барацьбе з эканамічнымі злачынствамі УУС Гарадзенскага аблвыканкама спыніла злачынную дзейнасць 44-гадовай жыхаркі Менску.
Жанчына аказвала бухгалтарскія паслугі гарадзенскаму індывідуальнаму прадпрымальніку і пры гэтым выкрадала яго грошы.
– Фігурантка рэгулярна, маючы электронны ключ, спісвала з рахунку кліента сумы да дзвюх тысяч рублёў за раз, якія траціла на асабістыя патрэбы. Жанчына афармляла ўсё як пазыку, якая давалася ёй нібыта з дазволу ІП. Пацярпелы аб падобных махінацыях не здагадваўся, – паведамілі ва УУС Гарадзенскага аблвыканкама.
Распачата крымінальная справа за крадзеж маёмасці шляхам мадыфікацыі камп’ютарнай інфармацыі ў асабліва буйным памеры.
Беларускае Радыё Рацыя
