Ініцыятыва “Байхэлп” выходзіць са складу Міжнароднага гуманітарнага фонду дапамогі ахвярам рэпрэсій у Беларусі. “Еўрарадыё” даведалася пра гэта ад Нарвежскага Хельсінкскага камітэту, які з’яўляецца аператарам фонду.
18 сакавіка камітэт пачаў расследаванне ў дачыненні да аднаго з удзельнікаў Гуманітарнага фонду. Усе фінансавыя аперацыі ў межах фонду былі прыпыненыя. 26 траўня года іншыя ўдзельнікі Гуманітарнага фонду (акрамя ByHelp, туды ўваходзяць “Краіна для жыцця”, BYSOL, Dissidentby і іншыя) атрымалі справаздачу пра парушэнні. Там паведамлялася, што паводле вынікаў расследавання камітэт рэкамендуе спыніць супрацоўніцтва з “Байхэлп”.
Сярод заўваг да ініцыятывы “Байхэлп” пазначаныя: пастаянны недахоп даверу ў камунікацыі; адсутнасць празрыстасці ў аперацыях і прыняцці рашэнняў; нізкая адміністрацыйная здольнасць і нежаданне паляпшаць працэсы ды іншыя.
Беларускае Радыё Рацыя
