26 жніўня ў Гарадзенскім абласным судзе пачнецца працэс над былым дырэктарам шклозавода “Нёман” Ігарам Бацяном, піша “Наша Ніва”. Мужчыну вінавацяць у “здрадзе дзяржаве” (ч. 1 арт. 356 КК), Яму пагражае ад 7 да 15 гадоў калоніі. Акалічнасці справы невядомыя.
Ігар Бацян узначальваў шклозавод “Нёман” больш за 12 гадоў. Пасля звальнення ён сышоў у кіраўніцтва хакеем, а пасля апынуўся ў ценю. Цяпер 60-гадовы менеджар знайшоўся ў СІЗА.
Як адзначае “Наша Ніва”, у 2020-м Бацян публічна ніяк сябе не праявіў.
Анлайн у сацсетках Бацян апошні раз быў у кастрычніку 2023 года — хутчэй за ўсё, тады яго і затрымалі.
