Ягору Яўстратаву прызначылі 3 гады і 2 месяцы пазбаўлення волі за акцыю па псаванні машыны міліцыянта, спланаваную сілавікамі. Мужчына адседзеў увесь тэрмін. Ягор вызваліўся амаль год таму, але доўгі час ён заставаўся ў Беларусі.
– Цяпер я знаходжуся ў бяспецы, аднак без грошай і рэчаў, і вымушаны пачынаць усё нанова. Працаваць у дадзены момант я не маю права, паколькі праходжу працэдуру атрымання міжнароднай абароны. Атрымаўшы дакументы, я планую не толькі працаваць, але і асвоіць новую спецыяльнасць, вывучыць мову. Каб адаптавацца ў новай краіне і пачаць зарабляць, – кажа Ягор.
Дапамагчы яму можна праз фонд Байсол, але толькі ў выпадку, калі вы знаходзіцеся па-за межамі Беларусі.
