Былую палітзняволеную журналістку Ксенію Луцкіну вывезлі з Беларусі і яна знаходзіцца ў бяспецы, паведаміў сёння, 4 сакавіка, у сваім тэлеграм-канале сузаснавальнік фонду BySol Андрэй Стрыжак.
“Дзякуй камандзе эвакуацыі BYSOL і ўсім хто зрабіў гэтую ранішнюю сустрэчу магчымай”, – напісаў ён пад яго агульным здымкам з Луцкінай.
Каб дапамагчы Ксеніі пачаць новае жыццё ў новай краіне, BySol адкрыў дабрачынны збор.
Былую журналістку “Белтэлерадыёкампаніі” Ксенію Луцкіну затрымалі 22 снежня 2020 года і ў верасні таго ж года асудзілі на 8 гадоў калоніі. У зняволенні ў яе пачаліся моцныя праблемы са здароўем — у яе расце пухліна ў галаўным мозгу. Таксама ўвесну яна за кратамі перахварэла на пнеўманію.
20 жніўня 2024 года стала вядома, што Ксенія Луцкіна выйшла на волю па памілаванні. Журналістка правяла за кратамі 3 гады і амаль 8 месяцаў. У журналісткі ёсць непаўнагадовы сын.
Беларускае Радыё Рацыя
Фота з фэйсбука Андрэя Стрыжака
