Любою цаною павінны быць вызваленыя палітвязні ў Беларусі. Кожны чалавечы лёс варты таго, каб за яго змагаліся. Няважна, гаворка ідзе пра некалькі чалавек, ці пра сотні, — сітуацыю з верагодным вызваленнем чарговых закладнікаў беларускага рэжыму ў снежні бягчага году пракаментавала беларуская мастачка, аўтарка праекту пра палітвязняў “Мартыралог” Ксіша Ангелава:
– Прымаць нейкую пазіцыю, што любым чынам, але каб іх звольніць, я таксама за тое. Зараз адчынілі мяжу і ўсе чакаюць Пачобута і іншых. Ужо сістэма такая, што перамовы – перамовы. Я ведаю, напрыклад, што сядзіць хірург з Гародні, і тата яго чакае, мы з ім перамаўляемся.
Звыш 1200 палітычных зняволеных дагэтуль утрымліваюцца ў Беларусі. Нягледзячы на тое, што ў верасні 2025 года было вызвалена больш за 50 зняволеных, што, верагодна, стала вынікам дыпламатычных перамоваў, сотні іншых, у тым ліку вядомыя актывісты, такія як Анджэй Пачобут, застаюцца за кратамі.
У цяперашні час ЗША вядуць перамовы з беларускім рэжымам аб магчымасці выхаду на волю яшчэ сотні палітвязняў, а перспектывы масавага вызвалення нявызначаныя.
Цалкам матэрыял:
Беларускае Радыё Рацыя
