4 траўня прайшла чарговая традыцыйная акцыя беларусаў Варшавы. Людзі крытычна ацанілі дзяржаўныя святы 1 траўня і Дзень перамогі 9 траўня, а таксама выказалі салідарнасць з палітвязнямі, колькасць якіх павялічваецца, рэпрэсіі не змяншаюцца.
Гаворыць арганізатар акцыі, сябра грамадскага аб´яднання «Беларусы Варшавы» і Беларускай асацыяцыі палітвязняў «Да волі» Васіль Плешкуноў:
– У кожнага з нас ёсць сваякі, суседзі, сябры – хто зараз там за кратамі. Хто не можа вольна сказаць тое, што ён думае. Хто не можа выказаць вольна свае погляды. Таму мы выходзім за іх, каб сказаць: «Жыве Беларусь!».
Вячаслаў Сіўчык: На вялікі жаль, сітуацыя з палітвязнямі ў Беларусі толькі пагаршаецца. Рэпрэсіі ўзмацняюцца.
Алег Кулеша: Зразумела, калі ціск на беларусаў з боку Лукашэнкі не скончыцца, таму і нашы акцыі не скончацца. Скончыцца іх ціск – скончацца і нашы акцыі.
Чуллівым момантам акцыі было віншаванне грамадскай актывісткі, вядомай удзельніцы сатырычнага блога «Атрад лукашолкі» Ганны Канавалавай з днём народзінаў.
Завяршылася мерапрыемства агульным здымкам удзельнікаў акцыі.
Цалкам матэрыял:
Беларускае Радыё Рацыя
